अमेरिका पठाइदिन्छु भन्दै रकम ठगी गर्ने महिला पक्राउ
काठमाडौं— अमेरिका पठाइदिन्छु भन्दै १४ लाख ९० ठगी गरेको अभियोगमा काठमाडौं प्रहरीले एक जनालाई पक्राउ गरेको छ ।
पक्राउ पर्नेमा काभ्रेपलाञ्चोकको बनेपा नगरपालिका– ४ घर भई हाल काठमाडौं महानगरपालिका– २६ सामाखुसी बस्ने ४६ वर्षीया पार्वती थापा छन् ।
काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनलाई काठमाडौंको सामाखुसी बाट पक्राउ गरेको हो ।
अधिकारीले वैदेशिक रोजगारीको प्रलोभन देखाई मासिक ३ लाख ५० हजार भन्दा धेरै तलब हुन्छ भनी विश्वास दिलाइ ३० लाख लाग्ने भन्दै पीडितबाट उक्त रकम ठगी गरेको प्रहरीको आरोप छ ।
पक्राउ परेका उनीमाथि थप अनुसन्धान तथा कारबाहीको लागि वैदेशिक रोजगार विभाग ताहाचल पठाइएको उपत्यका अपराध अनुसन्धान कार्यालयले जानकारी दिएको छ ।
प्रकाशित मिति: शुक्रबार, पुस १३, २०८० १४:३८
थप समाचार
