काठमाडौं– कालिमाटी फलफूल तथा तरकारी बजार विकास समितिले फागुन ६ गते आइतबारका लागि कृषि उपजको मूल्य तय गरेको छ। शुक्रबारका तुलनामा केही तरकारीको मुल्य बढेको छ भने केहीको घटेको छ। 

बजार विकास समितिमा अहिले १०३ प्रकारका कृषि उपज रहेको र तिनको न्यूनतम र अधिकतम मूल्य कायम गरेको बजार विकास समितिले जनाएको छ। 

समितिका अनुसार नेपाली ठूलो गोलभेडाको मूल्य प्रतिकेजी ५० रुपैयाँदेखि ६० रुपैयाँसम्म छ। ठूलो गोलभेडा शुक्रबारको मूल्यभन्दा प्रतिकेजी १० रुपैयाँ घटेको छ। 

त्यस्तै आलुको मूल्य ३० रुपैयाँ प्रतिकेजीदेखि ३२ रुपैयाँसम्म छ। आलुको मूल्य भने शुक्रबारको तुलनामा प्रतिकेजी दुई रुपैयाँ बढेको छ। स्थानीय काउलीको मूल्य २५ रुपैयाँदेखि ३५ रुपैयाँसम्म तय भएको छ। स्थानीय काउलीको मूल्य पनि घटेको छ। 

सिमीको ९० रुपैयाँ प्रतिकेजीदेखि ८० रुपैयाँसम्म तय भएको छ। यो मूल्य शुक्रबारको तुलनामा प्रतिकेजी २० रुपैयाँले बढेको छ। 

बाँकी कृषि उपजको मूल्य तलको तालिकामा हेर्नुहोस्