काठमाडौं— संवैधानिक परिषद्सम्बन्धी विधेयकमाथि आज बस्ने प्रतिनिधि सभा बैठकमा पनि छलफल नहुने भएको छ ।

प्रतिनिधि सभाको सम्भावित कार्यसूचीमा सो विधेयक समावेश गरिएको छैन ।

यसअघिको बैठकमा उक्त विधेयकमाथि छलफल गर्न कार्यसूचीमा राखिए पनि अन्तिम समयमा हटाइएको थियो ।

सो विधेयक आज कार्यसूचीमा आउने अपेक्षा गरिएको थियो । उक्त विधेयक पारित नहुँदा सर्वोच्च अदालतमा प्रधानन्यायाधीश नियुक्तिको बाटो खुल्न सकेको छैन ।