एन्फाले पारित गर्यो ६७ करोड बढी बजेट
काठमाडौं— अखिल नेपाल फुटबल संघ (एन्फा) ले ६७ करोड ८ लाख १५ हजार २ सय २९ रुपैयाँ बजेट पारित गरेको छ ।
सोमबार बसेको एन्फाकाे आकस्मिक कार्यसमिति बैठकले ६७ करोड बढीको बजेट पारित गरेको हो ।
बजेट पारितसहित एन्फाले विभिन्न ११ निर्णयसमेत गरेको जानकारी सार्वजनिक गरेको छ ।
एन्फा कम्प्लेक्समा बसेको बैठकले स्थानीय सरकार तथा सरोकारवालासँगको सहकार्यमा न्यूनतम ३ वटा महिला एकेडेमी, २ वटा पुरुष र ६ वटा क्लब सञ्चालन गर्ने निर्णय लिएको एन्फाले जनाएको छ ।
प्रकाशित मिति: मंगलबार, वैशाख २६, २०८० ०८:५५
थप समाचार
