उपसभामुख राना सिङ्गापुर जाँदै
काठमाडौं— उपसभामुख इन्दिरा राना एक प्रतिनिधिमण्डलको नेतृत्व गर्दै शनिबार राति सिङ्गापुर जाँदै छिन् ।
अन्तर्राष्ट्रिय व्यापारसम्बन्धी विश्व व्यापार संगठन र एस. राजारत्नम स्कुल अफ इन्टरनेशनल स्टडिजले संयुक्त रूपमा आयोजना गरेको कार्यशालामा भाग लिन उनी त्यहाँ जान लागेकी हुन् ।
प्रतिनिधिमण्डलमा सांसदहरू अम्मरबहादुर रायमाझी र विनोदकुमार चौधरी छन् ।
शनिबार राति ११ बजे प्रस्थान गर्ने टोली ४ जेठमा नेपाल आइपुग्ने कार्यक्रम छ । 
प्रकाशित मिति: शनिबार, वैशाख ३०, २०८० २०:४६
