संसद्
प्रतिनिधि सभा बैठक बस्दै, यस्तो छ सम्भावित कार्यसूची
काठमाडौं— प्रतिनिधि सभाको बैठक सोमबार बस्दै छ । बैठक दिउँसो १ बजे संसद् भवन नयाँ बानेश्वरमा बस्नेछ ।
बैठकमा प्रधानमन्त्री पुष्पकमल दाहाल प्रचण्डले ‘भ्रष्टाचार निवारण (पहिलो संशोधन) विधेयक, २०७७ लाई दफावार छलफलको लागि सम्बन्धित समितिमा पठाइयोस्’ भनी प्रस्ताव प्रस्तुत गर्ने सम्भावित कार्यसूची रहेको छ ।
नेपाली कांग्रेसबाट २०६४ सालको संविधान सभा निर्वाचनमा समानुपातिक सदस्यको रूपमा निर्वाचित सदस्य तथा सामाजिक एवम् साहित्य क्षेत्रमा सक्रिय पुरुषोत्तम बस्नेतको ७८ वर्षको उमेरमा २०८० साल २९ वैशाखमा निधन भएकोमा उनको निधनप्रति बैठकले शोक प्रस्ताव पारित गर्ने कार्यसूची रहेको छ ।
प्रकाशित मिति: सोमबार, जेठ १, २०८० ०६:३१
