प्रत्यक्ष प्रश्नोत्तर अगाडि प्रधानमन्त्रीले गरे सभामुखसँग छलफल
काठमाडौं— प्रधानमन्त्री पुष्पकमल दाहाल प्रचण्ड र सभामुख देवराज घिमिरेबीच छलफल भएको छ ।
बिहीबार प्रतिनिधि सभामा प्रत्यक्ष प्रश्नोत्तर अगाडि प्रधानमन्त्री दाहालले सभामुख घिमिरेसँग संसद् भवन नयाँ बानेश्वरमा छलफल गरेका हुन् ।
प्रधानमन्त्री र सभामुखको छलफलका कारण बिहान ११ बजे सुरु हुने भनिएको प्रतिनिधि सभाको बैठक सुरु हुन सकेको छैन ।
संसद् बैठकमा बिहीबार प्रधानमन्त्री दाहालले सांसदहरूले उठाएका प्रश्नको जवाफ दिने कार्यसूची छ ।
प्रधानमन्त्री प्रचण्डलाई सोधिने प्रश्नहरू तयार भइसकेको छ ।
संसद सचिवालयका अनुसार १५ जना सांसदले प्रधानमन्त्रीसँग प्रत्यक्ष प्रश्न गर्न पाउनेछन् ।
प्रकाशित मिति: बिहीबार, जेठ ४, २०८० १२:००
