पूर्वअर्थमन्त्री पाण्डेको सुझाव– आगामी बजेटमा चालु खर्च कटौती गर्नुपर्छ
काठमाडौं— पूर्वअर्थमन्त्री सुरेन्द्र पाण्डेले सरकारले आगामी बजेटमा चालु खर्च कटौती गर्नुको विकल्प नभएको सुझाव दिएका छन् ।
बिहीबार काठमाडौंमा भएको नेपालको अर्थतन्त्र, वर्तमान अवस्था र आगामी दिशा अन्तरक्रिया कार्यक्रममा बोल्दै पूर्वअर्थमन्त्री पाण्डेले चालु खर्च कटौती गर्नुपर्ने सुझाव दिएका हुन् ।
उनले भने,‘सरकारले चालु खर्चलाई कटौती गर्नुपर्छ । यसको कुनै विकल्प छैन । अहिले धेरै उत्साहित भएर बजेट बाँड्नसक्ने स्थिति छैन ।’
उनले अहिले राजनीतिक पार्टीहरूले एकअर्कालाई आरोपप्रत्यारोप लगाउँदा लगाउँदै अर्थतन्त्रको सिंगो जहाज खतरामा पर्ने अवस्था देखिएको पनि बताए ।
प्रकाशित मिति: बिहीबार, जेठ ४, २०८० १८:५३
थप समाचार
