काठमाडौं— राष्ट्रपति रामचन्द्र पौडेलले शुक्रबार संघीय संसद्को संयुक्त बैठकमा नीति तथा कार्यक्रम प्रस्तुुत गर्दै तीनै सरकारबीच समन्वय कायम गरी अर्थतन्त्रमा तरलता नआउने व्यवस्था गरिने बताए । 

उनले भने, ‘तीन तहको सरकारमा निष्कृय भएर बसेको रकमलाई परिचालन गरिनेछ ।’ 

संघले पठाएको घाटा बजेट पूर्ण खर्च नभएर प्रदेश र स्थानीय तहमा निष्कृय भएर बसेको छ । जसले गर्दा अर्थतन्त्रमा शिथिलता आएको छ भने संघीयता खर्चिलो भयो भन्दै व्यवस्थामाथि नै प्रश्न उठेको थियो ।