काठमाडौं— राष्ट्रपति रामचन्द्र पौडेलले शुक्रबार संघीय संसदको संयुक्त बैठकमा नीति तथा कार्यक्रम प्रस्तुुत गर्दै एकीकृत हरूवा, चरुवा भूमिहीन, सुकुम्वासी सबैको अव्यवस्थित बसोबासको समस्या समाधान गरिने बताए । उनले उनीहरूको समस्या समाधान गर्न आगामी बजेटमा एकीकृत योजना कार्यक्रम ल्याउनेसमेत जानकारी दिए । 

यस्तै, उनले गरिबीको आधारमा परिचय पत्र दिने बताए । उनले भने, ‘गरिब परिचय पत्र दिनेछौँ । सो कार्य दुई वर्षभित्रमा सम्पन्न गरिने छ । गरिब परिचय पत्रलाई सामाजिक सुरक्षा कार्डमा परिवर्तन गरिनेछ । वडा तहमा सहुलियत खाद्यान्नको व्यवस्था गरिनेछ ।’